ثورة ثانية

2/13/2014 , 1 Comments

الله محيي الشعب الحر
من صفحة ثورة وعدسة 


اللي ما بيحترم الثورة
ما بحترمو .. مو بس لو كان عم يقاتل الاسد
لو قتلو حتى !
الثورة هي اللي سمحت النا كأفراد نتداول بالشان السوري أساسا ً، سمحتلنا نحكي بمشروع دولة مستقبلي "كائنا ما كان شكله"
الثورة باعلامييها وناشطيها واغاثييها ومسلحيها ..
هي اللي سمحت بأنو يرجع الشأن السوري شأن عام !
* * * * * * * * * * * * * *
للناس فرق توقيت بأنهم يصرخوا لأ ضد الظالم ، يمكن نحن أسرع من غيرنا أوقات لأنو تعرفنا عصوتنا وحنجرتنا قبلهم .. يمكن لأنو عنا ثقة ببعضنا أكتر منهم
يمكن لأنو عنا ثقة بحالنا أكثر .. يمكن ويمكن ويمكن ..
بس على طول الخط .. لازم نكون ناطرين الآخر يلاقي صرخة الثورة جواتو .. ونصبر عليهم ونفرح وقت بيلاقوها
خصوصا ً انو بعض الظلاّم ما ألهم شهور عالساحة ! والا نسينا انو نحنا عشنا عمر كامل تحت ظلم ونحن ساكتين ..

* * * * * * * *

نطلب الحماية اليوم .. من أولئك الذين رفضنا إغاثتهم .. رفضنا الاعتراف بأن فيهم من هم خير شباب سوريا ..
كم نحن منافقون ..
وآسفون
" حقكم عراسنا من فوق "

* * * * * * * * *

سوريا بدها حرية ..
انتصر الاسد يوم
بدأنا بعدها نختلف حول إن كنا فعلا ً نريد " الحرية "
بعدها سنهزم تماما ً
إذا بدأنا نختلف حول إن كنا فعلا ً نريد " سوريا "

* * * * * * * * * *

- لماذا لا يحمينا الجيش الحر من الظلّام الجدد ؟
- للسبب ذاته الذي لا تتظاهر أنت لأجله ضد الظلّام الجدد
إذا لم تكن على استعداد لممارسة دورك كثورة مدنية .. فدفشك الآخرين ليلعبوا دورهم هو "طنبرة " وازدواجية ..

* * * * * * * * * *

وتبقى أفرع الأمن في سوريا .. أكثرنا إبداعية
أولئك الذين سلموا من الاعتقال .. بانتقالهم للمحرر
وجد النظام طريقة جديدة لتصفيتهم ..وتغييبهم ونفيهم
الله يحمي الأحرار