إفراط .. وفراطة داعش

1/05/2014 , 0 Comments

من صفحة ثورة و عدسة 


المفرطون في سلميتهم .. وشايفين انو ما بيجي خير من العسكر وما لازم ندعمهم 

يقلولنا شو الحل مع داعش ؟ سلمي ؟ يجو يعملو شي سلمي ! ما حدا ممانع يعني !! 

بس قطيعة العسكر بعد سنتين من العسكرة يعني مو انفصال عن الواقع .. لأ وفوقه حبة مسك 
المفرطون في الإسلاموفوبيا وشايفين انو جيش المجاهدين ما منيح وإسلامي وانو ما بدهم يدعموه لأنو بيخافو يحولوه لرمز 
جيش المجاهدين " يجب " ان يتحول لرمز .. وإذا كانت لحاهم تزعجك فأنت فعليا ً عندك مشكلة مع شريحة كبيرة جدا ً من شعبك وما بفهم وطنيتك اللي حابب فيها الوطن بس كرهان الشعب .. شلون بتنقرا ؟ 
المفرطون في عقدة النقص تبعهم وعقدة أنو الأجنبي أحسن وشايفين انو السوري ما بيستحق والسوري كذا والسوري كذا .. 
السوري ألو تلت سنين عم يثور عكل أنواع الظلم اللي ممكن عرفتها البشرية ! واللي ما بيحترم هالشي .. فليطلع من راسنا هو ومشاكله النفسية .. السوريين أجمل مما تصوّر له مرآته عن نفسه 
المفرطون في نفاقهم .. كلما قلتو " فتنة " بتذكروني باللي بيقولو انو الثورة "أزمة" 
كل اللي كنت بتعتقد انك احسن منهم لأنك ثرت على نظام ظالم .. طلعت بتشبههم تماما ً ويلا بلكي بتجي بالصالح العام وبتتفهم هو ليش هيك عمل طالما عم تساوي متلو 
رفقاتي العسكر اللي اخدين موقف حيادي بارد وكأن الحدث مش حدثكم واللي عم يقاتلو مو رفقاتكم عالجبهات والمدينة مش مدينتكم " اللي نص ثوار حلب عم يستفزوني بأنو رفقاتك خزلونا " .. انتو نفسكم هتفتوا معنا اللي ما بيشارك مافي ناموس ؟

 * * * * * * * *
طبعا مع محاربة داعش !
ودم خيرة شبابنا اللي عم يروح ...
جماعة النواح على كون الطرفين متل بعض .. توقفوا عن البكائيات تبعهم .. وهلق عم يستنو بقى .. بيسكتو بيسكتو وما بيعملو شي .. وبينتظرو شهور ! ليتطرف شي فصيل ويرجعوا يقلولنا كيف هني ما اخدوا موقف لأنو الطرفين متل بعض !
هو الطرفين ما متل بعض ..
بس انت اللي علاك

* * * * * * * * * *
لأ ما رح قول عنها الدولة الاسلامية .. اسمها بالنسبة إلي هو " داعش "
جزء من مقاومتها الشعبية اللي اخترعوه السوريين الثوار هو إطلاق هالاسم عليها .. وانا جزء من هالسوريين وجزء من هالثورة ..
مش رح قول عنها الدولة الإسلامية في العراق والشام !!
لأني ما بشوفها دولة .. بأحسن أحوالها تنظيم مقاتل وبأسوأ أحوالها هي اختراق النظام للثورة ..
مش رح قول عنها الدولة الإسلامية في العراق والشام !!
لأني معظم الر
ائعين خلقا ً ودينا ً من أصدقائي الثوار .. يؤمنون ويصّرون أنو بيرفضو ينربط اسمها باسم الاسلام .. ومع هؤلاء انا واجهت الموت مرارا ً وفيهم أثق ..
مش رح قول عنها الدولة الإسلامية في العراق والشام !!
لأنو ما في شي اسمو العراق والشام بالنسبة إلي ... في شي اسمو سوريا .. سوريا الوطن .. سوريا الحرية .. سوريا الثورة ..
لهيك فينا نعمل حركات ونسميها دولة البغدادي ، يعني إذا داعش كتير جاية فج !!
بس أكيد أكيد مو الدولة الإسلامية في العراق والشام !
أش في ؟