شعارات
مع أنك تدعي الأيمان بألوهة عشتار
عذرية أفروديت وقدسية العذراء
مع أنك تناصر الأنسان
الثورة ، الحرية وحقوق النساء
تبقى سيدي مملوءا بعقدك الشرقية
تبحث عن دمية جميلة بكماء
عن زوجة تدلل الطفل الذي فيك
وليمة تتناولها على مائدة سريرك كل مساء
لمحات
تركوا أثر
إيمان ونور
" لمحات
- لمحات منه (64)
- خربوشات (53)
- انطباعات من حياتي (35)
- قضايا (33)
- سوريا (30)
- مكتبتي (27)
- أغنيات (26)
- مونولوج (26)
- أفكار بالحيط (20)
- تدوين (20)
- جنونيات (15)
- فرحي (15)
- من الهبل ما قتل (13)
- أنثويات (11)
- بصمات من كلمات (11)
- هواجس (11)
- تيليغراف (9)
- مع المسيح (9)
- فزلكات (8)
- نميمة ( قصص قصيرة ) (6)
- تجاوزات (5)
- أغنيات تراث سوري (3)
- كركوبيا (3)
- من أهل البيت وأعز (3)
- اللي واقف عـ الرصيف (2)
- مناشير (2)
- طب أسنان (1)
لروحك .. كريم عربجي
" لأن الحرية هي أغلى ما في الوجود، لأننا نولد رغما عنا و نموت رغما عنا، و لكن بينهما يجب أن نحيا أحرارا... كريم عربجي
ليوصلك أول بأول ، شو عم يصير بلمحات .. على إيميلك
الشرقي الحقيقي ليس كذلك اما ما آل اليه الحال الجديد هو ماتحدثتي عنه
أول مرة أمر بمدنة تعبي الراس ولا أحلى أركيلة
لك ودي
واهتمامي سأتابع
اخوك
الشرقية و يُضاف قبلها (العقد ) و ال هو دائماً بحالة الجمع ؟ و التبرير أن الأغلبية الشرقية هكذا ...
متهمون نحن بالشرقية و أنتن بكل كبريائكن تمارسن شيئاً من حقد دفين
متهمون بالا إفصاح و آذانكن متمتعات بأغانٍ مكتوبة على ورق من جماد و حروف من رماد
متهمون بالا حوارو العنجهيات المكتوبة و أنتن تجلسن بكل بهاء تتجاهلن الحديث و تختبئن خلف كحل عيونكن
ال هو ذاك الباقي بكل مصداقيته متهم بعشق السرير و حب الجسد لا الروح و تعلقه بأنوثة الجسد و ابتعاده عن مكمل أو متمم الروح
رغم اهتمامه بالجسد لحوار جسد بسرير و اهتمام حوار ينطلق من فراغ كبير
فليس هنالك قوائم تذيد أو تقل حرفاً هنالك ال هي
و ال هي فقط
يحتاج من تحتويه بكليته
تتفهم ضعفه و قوته
تقتني الغد الأجمل لحياته و حياتها
إن إلتقاء روحيهما حياة واحدة
كوني بخير
يعني كلنا على بعضنا مملوئين بما سميته "العقد الشرقية"، لإنو نحنا ببساطة شرقيين! غريبة شوي مو هيك؟!
كل الود لك مرسيل.
المشكلة مو بس عند الرجل يا صديقتي
المشكلة انو المرأة بالشرق ارتضت لنفسها انوتكون هيك
يعني فرجيني 80% من بناتنا اذا مو اكتر (مشان ما نظلم الكل) شو اهتمامهم
غير انو تتجوز واتابع اخبار الموضة والفنانين وشو قال ناصيف لزينه بستار اكاديمي وصبحيات النسوان ومين خطب مين ومين صاحب مين وشو لابسة فلانة.
تحرر المرأة لازم يبدأ من المرأة نفسها
بس المرأة عنا ياعزيزتي لاعاجبها لا الرجل الشريقي ولا الغربي وغير ربك ما بيعرف شو بدها خليها على الله :)
وبالمناسبة حبيت رد اراغورن
ودمت بخير صديقتي
الى متى سأظل احب رجل يتمسك بقيوده الشرقية مع أني أحببت فيه تحرره وقوة ارادته الا اني فوجئت فيما بعد بأنه ابن مجتمعه الذي نجسني ولكنه عفى عنه
الصديق ( باسم الغير معروف ) صائب نبض الحقيقة و ملونٌ خطوطاً رسمتها دون أن اتممها
شكري لك و شكري لإعجابك بما كتبت و الهدف هو الإرتقاء لغدٍ أجمل أنقى أبهى أجدى نفعاً من ترسبات الطحل
لكن يا صديقي و يا صديقتي مرسيل
يبقى و تبقى الكثير من الكلمات و المعاني و الرمزيات للنخبة و تستعذبها النخبة و تنتقيها النخبة
فالمدعون كثر و النخبويون قلائل
كونوا بخير لنبني و نزرع بذور الخير بأرض تعرفنا و نعرفها و نشتهي كرمتها لنحيا بها و معها و منها
شكراً مرسيل لفسحة الحوار
شكراً لكَ
شو بدي قلك! يعني القصيدة بحد ذاتا شعار من الشعارات.. (الزوجة وليمة على الفراش)
فـ مش بالشعارات بتنحل القصة, بدا شوية حس فني!!
وأسف عالازعاج!
عفكرة التعليق مزعج بمدونتك.. والازعج انو ما بشوقك بتردي..
A.Gdedouy@
------------
على ما يبدو أني ما التقيت بحياتي كتير شرقيين غير هي الصورة !
@ عبدالوهاب
------------
شكرا ً كتير لمرورك وبتفرحني متابعتك
@ Aragorn
-----------
أنا حددت " هو " وما جمعت لأني ما ردت أني عمم ولأني كنت عم اكتب وشخص براسي محدد جدا ً :)
@ حسين غرير
-----------
تماما ً من فترة كتبت بالمدونة قدي عندي عقد شرقية وتناقضات
منور .. بعد زمان
@ غير معرف
----------
أبدا مانا مشكلة رجل وأنثى أنا اللي قصدتو هي مشكلة شعارات مشكلة أنو نحنا ثوريين بأمور وأمور ، ومنآمن بحقوق ومساواة بأمور وأمور ..
انا ما نكرت أنو المرأة جزء من المشكلة وكتبت أنو " صادقي نفسك أولا ً " انا ما كنت عم احكي عن كل الرجال الشرقيين انا عم احكي عن ناس بتعتبر حالها بدا تعمل تغيير ووقت بتجي لنقطة المرأة بترجع بتلبس شروال جدها
وأنت بخير يا صديقي
@ Aragorn
-----------
للأسف اني ما كتير من أنصار النخبة ! والنخبويين ولا بشوف حالي عم قرب اني كون ولا بظن انو بدي كون نخبوية ! بعتقد انا من هدول عامة الشعب :)
@ الـ غير معرف
--------------
ما عرفت شو اللي ما عجبك ؟ انو المرأة متل الطبخة ؟
ما سمعان ولا زلمة عم يقول ؟ " كل يوم مجدرة الواحد بيمل ؟ " ويكون قاصد أنثى ؟
ما شايف ولا زوجين عم يستعملو بعض كأنن أشياء مو أشخاص
اي وقت بيكون ما شايف فيها غير الجسد ، بتكون فعلا ً وليمة عالتخت
وصحة وعوافي !
اما بخصوص أني ما مريحة بالتعليق ع المدونات
بعرف وبعتذر وبتمنى تقدروا تلاقولي العذر عم حاول من فترة اني جيب خط سريع عالبيت وبخلاف الفوتة من الكافي نت اللي صايرة قليلة بالفترة الماضية ما كتير عم يكون في امكانية اني حمل صفحات ويعلق ويرجع يعلق
فحقكن عليي ..
مبلى سمعان! بس على سبيل النكتة السمجة, الي بتضحك لأنو بتذكرنا بداروين أكتر شي!
اما بالنسبة للي بيستعملو بعض كاشياء كمان شايف, بس اللي متذكرو حولن انن نسيو الجنس من زمان وغالبا قاطعا نفسن مع حيلن سوا ..
وعلى كل حال.. بعتقد انك تذكرين بجمال الاشيا المفتقدينا افعل واجمل من انك تذكرين انن مفتقدينا.. هي كانت وجهة نظري..
واخيرا.. أنا مافيي التمسلك عذر "مافي نت فما اقدرت رد"..
لأنو اشتقنالك السبت اشتاقيلنا الحد..;)
@maram_soft
----------
عذرا سهوا ً تأخرت بالرد عليكي حقك عليي :)
إضافتك رائعة ..شكرا ً
@ غير معرف
------------
رح حاول أني رد اسرع كلما بتأخر لرد بتنط انت براسي ( ضميري النتي ) وبرد بسرعة
عامة الشعب
و النخبوية
ربما خطا اصطلاحي ؟
كم من أنثى تهب من وقتها و فكرها لمشروع إنساني ك إيمان و نور ؟
و كم من فتاة من بلادي تخرجت من كلية طب الأسنان و تتابع دراسة علاقات دولية و دبلوماسية ؟
و من يمتلك فرادتك و خصوصية تنمو بك فتقرأ و تُشبع فكرها ؟
و و و و القائمة تطول او تقصر
ألتقي بهذه الفكرة مع ال غير معروف !! 80% ع بيسئلوا كم مرة و هو نايم تامر حسني بالفرشة قلب من اليمين لليسار !!هذا هو كل اهتمامهن و بس !!!
مرسيل
وصفت قوة الخصوصة بالنخبوية و نهائياً ما قصدت انو النخبوية تساوي العنصرية
الكل من ال هدول الي وصفتيهن و ال هدول دائما بحاجة يضل مع الكل ال هنن هدول كمان
فقط للتوضيح
:)
في كتير ..
بس انت شكلك حاببا لمرسيل..;) P:
نرجع منحكي عن موضوع المجدرة و بقول
أنو الأنثى الي بتقدر تعمل كل يوم طبخة شكل هي الي بتقدر تقدم و ليمة السرير على طريقة مختلفة أيضاً هي الي بتقدر تكتب كلمات حبّ على ورق من حياة بس كل مرة بتجدد و بتغير و بتعطي أفكار و أوصاف جديدة لحتى ينمحى الملل و تنكتب قصايد جديدة و حلوة بتعبر عن روح الوجود اكتر
و البنت هي بتعمل من حالها سلعة مجدرة او المصطلح التاني الي بيتردد بين الشباب و الي لازم ينذكر هون ( على كل ضرس لون ) و بيعني انو الشب عايش حياتو و مرتاح و البنت هي الي بتحدد قيمة حالها المجردة طيبة بس مو كل يوم مجدرة !!!
بس للتوضيح كمان
ال غير معروف
رغم انو ما عرفت اي معلومة عنك و يمكن و عن اكيد ما بتعرفني لأني انا متخفي بهالأسم لهيك بقلك , الصداقة الي بيني و بين مرسيل ما بحب اوصفها بأوصاف قايلها اي شخص غيري ( مثلاً كلمة حبّ اتشوهت بهالعصر بين خيانات و كذب و و و ) و اتغيرت معاني القواميس الجديدة لهيك انا ما بحب اي شخص يحددلي علاقتي مع الآخر
و بالنسبة للآخر ل مرسيل
ما رح حدد أي صفة في كلمات بتموت بقولبة الكلمة و منها علاقة صداقتي مع مرسيل
بحب ابعت دفا و كون لون ل ربيع جديد و لون المروج بأخضر فريد بحب اتغللغل ببحر الحياة و اكتشف عمق الأنثى الي قدامي و بحب ابعت كتير من ضو للكواكب من دون ما اعرف اسمائهن و بنتظر منهن انعاكس طيفهن عند المس لهيك مو ضروري قول شوفوني انا الشمس و متخفي
أنا رونق من طيف هدى على موج و تألق فوق الكون مسارا
مرسي مرسيل بس شوفك بخبرك لايف :)
ال هي بحياتي ( يتلذذ جمالها من عيني بضعف قوتي و أبقى قوياً حتى ينتقيني فجرٌ جديد ) كونوا بخير
للأسف الشديد اكثر الشباب والشابات صارو يظنون ببعضهم ظن السوء للاسف الشديد انعدمة المصداقية بين الجنسين صدقوني هذه كلو عائد للتربية في البيت حتى لاحظو معاي بعض الردود من الاخوان بعتقدو ان الكلام بالوقاحة وقلت الادب نوع من الرجولة حتى بنات هذي الايام للاسف الوحده صارت كل تفكيرها الخرجة والدخله فيا اخواني واخواتي ما في داعي نرمي الوم على بعض واحنا كلنا القذارة ماليانا من فوق لتحت والاخت الي كاتبة هي الشعر ارجو انها تراجع نفسها لان كل انسان بيشوف الناس حسب تفكيرو ارجو ان يوصلك قصدي