كتبتها Marcell | الجمعة, حزيران 04, 2010 in أفكار بالحيط

7

مقدسات أسرية مهترية

- كل الأمهات قديسات ( ماذا عن آلاف الامهات اللذين ينجبن ليضغطن على أزواجهن ؟ عن اللواتي يتخلين عن أطفالهن ؟ عن اللواتي تنشأ أطفالا ً يشبهونها تماما ؟ تربي أطفالها على أن يكرهوا والدهم ؟ .... إلخ إلخ )

- كل الأهالي يحبون أطفالهم ( ولكن متى يصبح الحب تملكا ً ؟ سيطرة ؟ امتداد وجود ؟ ... او نرجسية )

- طج هالطينة بهالحيط إلا ما تزبط ( التجربة على الطفل خير سبيل علمي في التربية ، لا تنسو ان التجارب أساس نجاح العلوم وتعتبر جملة " قالولي ، وسمعت وهيك قالوا " اساسية في تجاربنا في التربية .

جارتي قالتلي عطيه هادا الدوا بيطيب ( بتكون جارتها معها سادس وبتشتغل طبيبة بعد الجلي ) ،

قالولي إحرقيه بالكبريتة مشان يخاف ويبطل يساوي ع حالو

عالست شهور لازم يبدا ياكل محشي ابن سلفتي أكل تلت يبرقات بثالث شهر !

- ابني احسن من كل الولاد ( كل الولاد لازم يكونوا الأول ، حتى لو كان ما إمكانياتو لازم يحس حالو " جحش " إذا ما جاب العشرة / اي شوف ابن عمتو كيف طالع الأول ع صفو وما أحلاه .. مو متلك )

- التربية فطرية ( لا احد يفترض ان تربية طفل بحاجة لعلم أو متابعة ، كل الناس بتعرف تربي كيف نحنا تربينا واهالينا تربوا ؟ لك حتى الحيوانات بتدير بالها ع ولادها بالله معقول التربية بدها قراية ومعرفة ؟ )

- الله بيبعت الولد وبيبعت رزقتو معو ( وآلاف الفقراء اللي بسوريا ليش ما نزلت رزقتن معن ؟ )

- الولد المنيح بيحكي كل شي لأهلو (اي ولسى بيكون منيح أكتر إذا ما بيكون عندي شي ليحكيه )

- اهلك بيعرفو مصلحتك أكتر منك ( أوف ، كيف هي ! ليش ؟ مو عأساس كل الأهل بيفرحو إذا ابنن طلع اذكا منن ؟ طيب كيف بيضلو هني بيعرفو مصلحتو أكتر منو ؟ )



أنو مين بيزيد ؟