ذكريات الزمان الجميل


إن أردت الكتابة عن ابي ، لا يسعفني لا الوقت .. ولا القدرة .. ولا أدعي أنني تخطيت حزن خسارته .. لأكتب عنه بأريحية لكنني اليوم وفي حديث مع أحد الأصدقاء تذكرت إحدى الجمل التي اعتاد أن يقولها لي ..
فأحببت أن أشارككم بعض ما كان يقوله لي .. 


 " حلو .. أنك تثقي بذكاءك ، وتعرفي لأي درجة أنتي ذكية .. طالما أنك ما عم تفترضي مسبقا ً أنو الباقون أغبياء "

" كونك ربيتي بعيلة بتحبك .. ما بيجعلك هادا شخص محظوظ .. هادا مجرد بيزيد مسؤولياتك تجاه الآخرين "


" أنا ما بدي تكوني بتشبهيني .. هادا بيدل أني أب فاشل إذا طلعتي بتشبهيني .. أنا بدي تكوني أنت "

" يا فرحتي .. انتي مسيحية ، والمسيح عائق بينك وبين الناس .. المسيح اللي بيبعدك عن الناس هو مانو المسيح .. هو تصورك أنتي عنو "

" إذا ما بتعرفي .. تحبي ، طز بكل اللي بتعرفي تقوليه .. بدك تتعلمي تحبي حتى اللي حاسة انو حتى الله ما بيطيقن "



سأقوم يوما ً ما بإدراج إحدى محاضراته ...