كتبتها Marcell | الخميس, أيلول 11, 2008 in قضايا

4

إيمان ونور

إيمان ونور .. الدعوة اللي بتحرك حياتي

لمحة عن إيمان ونور

ولدت أيمان ونور من الرغبة في وجود أصدقاء للأشخاص الذين لديهم جرح في ذكائهم ( معاقين عقليا ً ) وأسرهم
أيمان ونور جماعة مسيحية عالمية مسكونية (يعني نحنا منكون 1462 جماعة حول العالم … في 77 بلد .. ومن كل الطوائف المسيحية وتابعين للكنيسة )
من شو بتتكون جماعاتنا :
من الأشخاص المجروحين ( منسميهم نحنا الأخوة ) وبتعطيهم مكان يتعرفو على مواهبهم ويمارسوها ويكتشفوا فرح الصداقة … نحن لسنا مدرسة أو مؤسسة أو مكان لأعادة التأهيل نحنا جماعة للعيش مع هذا الأخ الضعيف
من الأهل اللي بتحمل أيمان ونور لألن سند في ألمن وبتقلون أنو أبنون جميل بعيني الرب .. وبتساعدن يكتشفو ويقبلو أنسانية أبنون وهيك بيصير العديد منون سند لغيرون من الأهل اللي عم يتألمو .
من أخوات وأخوة الأشخاص المجروحين … إذ أن هذا الشخص قد أدخل الأضطراب لحياتهم … فهو قادر أيضاً أن يغيرها ويبدل وجهها ويبعث فيها حضور الله
من الأصدقاء ( نحنا الشبيبة يعني ) بتمنحنا أيمان ونور انو نفهم كيف نحترم اختلاف الأخر وضعفه ونتصالح مع ضعفنا نحنا كمان
منسمي جماعاتنا عيل . هالعيل ما بتعيش بشكل دائم ( يعني دعوة ما بتتطلب تفرغ 24 ساعة ) منلتقى بشكل دوري خلال فترات منتظمة ومنخلق روابط وعلاقات وصداقات . وتضم هالعيل تقريباً 30 شخص .

بسوريا مثلا ً : صرنا 43 عيلة
في عنا 10 حمص 11 حلب 11 شام 1 درعا 1 مرمريتا 1 كفربو 1 قصير 2 حسكة 5 اللاذقية
بمصر صارو بحدود ال 60 جماعة
صار في جماعتين بالسودان بس طور التثبيت
وجماعة بأيران
وجماعة بالكويت

مواقع بتهم إيمان ونور :

http://www.faithandlight.net/

http://www.faithandlight.org.uk/

http://www.faithandlightusaeast.org/

http://www.foietlumiere.org/site/english/

لمحة من الويكبيديا عن أيمان ونور

وأنت ؟

شو بتقدر تعمل ..

أيمان ونور بتدعوك أنت كمان لتصير صديق الضعفاء ..

لتعترف أنك أنت كمان ضعيف وبحاجة لصديق ..

بنقلك أنك مهما كنت متعب .. فأنت محبوب من الله

منطلب منك .. إن التقيت بالشخص الضعيف في عالمك .. في محيطك ..

لا تهزأ منه .. فهو قد تعب من الرفض والسخرية اللي عم يشوفا كل يوم

اصبر عليه .. فهو قد يعاني من بعض الصعوبات الحركية او النطقية … وقد يحتاج وقتا ً أطول من الاشخاص الأخرين ..

ابتسم له بود .. ولا تطيل التحديق به بغرابة .. فمهما بدا لك غريبا ً .. فهو جميل ومميز في عيني الرب

وأخيرا ً ..

نحن بجماعات أيمان ونور .. ندعوك لتحيا معنا ..